Tapança atıcılığı üzrə ixtisaslaşmış gürcü idmançı Nino Salukvadze Olimpiya Oyunlarında iştirak sayına görə rekordu təkrarlayıb.

“İki sahil” xəbər verir ki, bu barədə Championship.com saytı məlumat yayıb.

2024-cü il Yay Olimpiya Oyunları idmançının onuncu oyunu idi. Tarixdə 10 dəfə Olimpiadada iştirak edən ilk idmançı kanadalı tullanma üzrə mütəxəssis Yan Millar olub. O, sonuncu dəfə 2012-ci ildə London Olimpiya Oyunlarında çıxış edib.

Gürcü idmançı Parisdə keçirilən Olimpiya Oyunlarında 10 metr məsafəyə pnevmatik tapançadan atəş açma yarışında finala çıxa bilməyib.

Qeyd edək ki, Olimpiya Oyunları iyulun 26-da başlayıb, avqustun 11-dək davam edəcək.