Dünən Türkiyə prezidenti Rəcəb Tayyib Ərdoğanın da qatıldığı mərasimlə Mersində açılan Çukurova Beynəlxalq Hava Limanına ilk sərnişin təyyarəsi eniş edib.

“İki sahil”in məlumatına görə, təyyarə ənənəvi su çiləmə mərasimi ilə qarşılanıb.

Türkiyənin 58-ci hava limanı istifadəyə verilib - YENİLƏNİB

Hava limanına ilk enişi Türk Hava Yollarının (THY) İstanbuldan yerli vaxtla saat 11.43-də havaya qalxan “TK2462” reysi həyata keçirib.

Çukurova Beynəlxalq Hava Limanından ilk qalxan THY-nin "Gölbaşı" təyyarəsi buradan götürdüyü sərnişinlərlə birlikdə İstanbula dönmək üçün havaya qalxıb.

Məhərrəm Ağalaroğlu, “İki sahil”