Reallıqlarla barışmaq lazımdır.

“İki sahil” xəbər verir ki, bunu futbol üzrə Azərbaycan millisinin baş məşqçisi Fernandu Santuş UEFA Millətlər Liqasında keçiriləcək İsveçlə oyundan öncə mətbuat konfransında bildirib.

Portuqaliyalı mütəxəssis şansları dəyərləndirib və hazırlıqlardan danışıb: "50 oyunçu dəvət etmişdik. Bu, onların arasından seçdiklərimiz idi. Biz gələcək üçün komanda qurmağa hazırlaşırıq. Köklü dəyişiklik etməyə gərək yoxdur. Futbolçularla ilk dəfə çalışacam. Fiziki hazırlıqda dəyişiklik etmək imkanımız yoxdur. Klublarında necədirsə, elə də olacaq. Hazırlıq bazası bu olacaq. Rəqabətədavamlı komanda yaratmaq istəyirik".

Qeyd edək ki, yığma Millətlər Liqasında sentyabrın 5-də Bakıda İsveçlə, ayın 8-də isə Koşitsedə Slovakiya ilə qarşılaşacaq.