SOCAR-ın prezidenti Rövşən Nəcəf Albaniyada keçirilən dünya çempionatında qızıl medal qazanan "Neftçi" İdman Klubunun yunan-Roma güləşçiləri Eldəniz Əzizlini, Nihat Məmmədlini və Ülvü Qənizadəni təbrik edib.

“İki sahil” xəbər verir ki, bununla bağlı SOCAR-ın prezidenti rəsmi "X" səhifəsində paylaşım edib:

"Albaniyanın paytaxtı Tiranada keçirilən dünya çempionatında böyük əzmkarlıq nümayiş etdirərək qızıl medal qazanan "Neftçi" İdman Klubunun yunan-Roma güləşçiləri Eldəniz Əzizlini, Nihat Məmmədlini və Ülvü Qənizadəni ürəkdən təbrik edir, idmançılarımıza yeni-yeni qələbələr diləyirəm."