Türkiyə Suriya üçün həm özünün, həm də beynəlxalq ictimaiyyətin resurslarını səfərbər etmək üçün əlindən gələni edir.

“İki sahil” xəbər verir ki, bu barədə Türkiyə xarici işlər naziri Hakan Fidan Belçikalı həmkarı Bernard Kventin ilə danışıqlardan sonra Ankarada keçirilən mətbuat konfransında deyib.

"Hazırkı mərhələdə Suriya rəhbərliyinin ölkənin yenidən qurulması üçün zəruri olan iqtisadi, maliyyə və kommersiya alətləri ilə tezliklə təmin olunması ilə bağlı müəyyən konsensus var". - deyə o bildirib.

H.Fidan qeyd edib ki, “Suriyanın yeni hökumətinin daxili bütövlüyü, təhlükəsizliyi, ərazi bütövlüyü və siyasi suverenliyinin” təmin edilməsi məsələsi eyni əhəmiyyətə malikdir.