Milli Məclisin deputatı Anar Məmmədov Tərtər rayonu Kəbirli kəndində şəhid Hüseynov Elnur Əhliman oğlunun ailəsini ziyarət edib.

“İki sahil” xəbər verir ki, ziyarətdə YAP Tərtər rayon təşkilatının sədri Eldar Əsədov, Tərtər Rayon İcra Hakimiyyətinin başçısının müavini, qazilər və şəhid ailələrinin üzvləri iştirak edib.

Anar Məmmədov ailənin qayğı və ehtiyacları ilə maraqlanıb, möhtərəm prezidentimiz, Müzəffər Ali Baş Komandan cənab İlham Əliyev və Birinci vitse-prezident hörmətli Mehriban xanım Əliyeva tərəfindən Azərbaycanın ərazi bütövlüyü uğrunda canlarından keçmiş şəhid ailələrinə hər zaman böyük diqqət və qayğı göstərildiyini bildirərək ölkə rəhbərliyinin bu sahədə həyata keçirdiyi işlərin Tərtərdə də davam etdirildiyini qeyd edib.     
Şəhidin atası dövlətimizin şəhid ailələrinə göstərdiyi diqqət və qayğıdan razı qaldıqlarını bildirmiş, Azərbaycan Respublikasının Prezidenti ənab İlham Əliyevə və Birinci vitse-prezident hörmətli Mehriban Xanım Əliyevaya minnətdarlıqlarını ifadə ediblər.