Londonun ICE birjasında "Brent" markalı neftin avqust fyuçerslərinin qiyməti qısa müddət ərzində 68 dolları ötüb.
“İki sahil” "Investing.com"a istinadla xəbər verir ki, "Brent" markalı neft sonuncu dəfə aprelin 17-də bu həddi keçib.
Gün ərzində fyuçerslərin qiyməti 2,15% artım göstərərək bir barel üçün 68,03 dollara çatıb. Daha sonra qiymət bir qədər aşağı düşüb və bir barel üçün 67,84 dollar olub.
2025-ci ilin iyulunda WTI markalı neftin fyuçersləri 2,26% bahalaşaraq 66,43 dollar/barelə çatıb.
