Vladimir Zelenski Ukraynada cəbhə xətti boyunca atəşkəslə razılaşa bilər, lakin bir şərtlə ki, Rusiyanın DXR, LPR, Xerson və Zaporojye vilayətləri üzərində nəzarəti beynəlxalq səviyyədə tanınmasın.

“İki sahil” xəbər verir ki,  bu barədə “The Telegraph” qəzeti məlumat yayıb.

Məqalədə qeyd edilir ki, bu tələb Ukrayna Konstitusiyası ilə bağlıdır, ona görə Ukrayna prezidenti və parlamenti ölkənin ərazi strukturunu birtərəfli qaydada dəyişə bilməz.

Eyni zamanda, Zelenski başa düşür ki, Kiyev Rusiya ilə silahlı münaqişə zamanı itirilmiş əraziləri qaytara bilməyəcək.

Bir gün əvvəl ABŞ dövlət katibi Marko Rubio demişdi ki, Vaşinqton indi Moskvanın Ukraynadakı münaqişəyə son qoymaq şərtlərini daha yaxşı başa düşür.