Meksika hökuməti ölkənin mərkəzi və şərq ştatlarını vuran leysan yağışları nəticəsində ölənlərin sayının 44 nəfərə çatdığını bildirib və zərərçəkənlərə yardım işlərini gücləndirib.

“İki sahil” xəbər verir ki, bu barədə beynəlxalq mediaya istinadla Meksika Milli Mülki Müdafiə Agentliyi (CNPC) məlumat yayıb.

Agentliyin bəyanatında qeyd olunub ki, hökumət əsas xidmətləri bərpa etmək və təbii fəlakətdən zərər çəkən sakinlərə yardım göstərmək üçün mərkəzi Puebla əyalətində, Veracruz, Hidalgo və Queretaro vilayətlərində, eləcə də San Luis Potosinin şimal və mərkəzi hissələrində 139 bələdiyyəyə təcili yardım göstərir.

Məlumata görə, əyalət hökumətləri Verakruzda 18, Hidalqoda 16, Pueblada 9 və Queretaroda 1 olmaqla, cəmi 44 ölüm hadisəsinin qeydə alındığını bildirib.

Bazar günü səlahiyyətlilər bərpaetmə səylərini sürətləndirmək, qurbanların siyahıyaalınmasını aparmaq və yardım çatdırmaq üçün ən çox zərər çəkmiş ərazilərdə təmizləmə və sanitarlaşdırma səylərini gücləndiriblər. “Raymond” tropik qasırğası bu yaxınlarda Meksikanın Sakit okean sahillərinə çatıb və bölgəyə güclü yağışlar gətirib.