Estoniya hakimiyyəti Rusiya ilə həmsərhəd Narvada ilk hərbi şəhərcik inşa etmək niyyətindədir və burada Müdafiə Qüvvələrinin təxminən 200 hərbi qulluqçusundan ibarət bölməsinin yerləşdirilməsi planlaşdırılır.
“İki sahil” xəbər verir ki, bu barədə ERR agentliyinə müsahibəsində Estoniya Müdafiə İnvestisiyaları Mərkəzinin layihə portfeli rəhbəri Ando Vooqma bildirib.
"İşlər ilin sonunda başlayacaq və 2028-ci ilin yayında başa çatacaq, birinci mərhələ 150 hərbi qulluqçunun yerləşdirilməsini nəzərdə tutur", - o qeyd edib.
Müdafiə Qüvvələrinin Baş Qərargahının məlumatına görə, Narvada 1-ci piyada briqadasının bölməsinin yerləşdirilməsi nəzərdə tutulub. Min nəfərlik hərbi şəhərcikdə daimi olaraq təxminən 200 hərbi qulluqçu xidmət edəcək.
