Birləşmiş Millətlər Təşkilatının Baş katibi Antoniu Quterreş tərəfləri Yaxın Şərqdə Hörmüz və Bab əl-Məndəb boğazları vasitəsilə gəmiçilik azadlığını tam təmin etməyə çağırıb.

“İki sahil” xəbər verir ki, Quterreş bu barədə Bişkekdə "ŞƏT+" formatında keçirilən sammitdə çıxış edərkən bəyan edib.

"Öz növbəsində beynəlxalq hüquqa və gəmiçilik azadlığına, o cümlədən Hörmüz boğazı və Bab əl-Məndəb boğazı ərazisində riayət olunmasını təmin edəcək dinc, ədalətli və uzunmüddətli tənzimləmə zəruridir", — deyə Quterreş bildirib.

O qeyd edib ki, hazırda Yaxın Şərqdə əldə olunmuş razılaşmalar və atəşkəs sazişləri mütəmadi olaraq pozulur.