Şimali Kipr Türk Cümhuriyyəti (ŞKTC) sahillərində avqustun 30-da Girnə limanı yaxınlığında baş vermiş gəmi qəzasının 15 qurbanının meyitlərinin axtarışı davam edir.

“İki sahil” xəbər verir ki,  ŞKTC-nin Baş naziri Ünal Üstel sentyabrın 5-də səhər saatlarında batmış gəminin 13-cü sərnişininin meyitinin aşkar edildiyini bildirib. “13 nəfərin həlak olduğunu rəsmi şəkildə təsdiqləyirik, daha 15 nəfər isə itkin düşmüş hesab olunur”, – deyə o bildirib. Onun sözlərinə görə, əməliyyat artıq yeddinci gündür Türkiyə Hərbi Dəniz Qüvvələrinin gəmilərinin iştirakı ilə davam edir.

“Filo Jet” gəmisinin qalıqları 550 metrdən çox dərinlikdə yerləşir.