İsraildə Baş nazir Binyamin Netanyahunun rəhbərlik etdiyi "Likud" partiyası Knessetə (parlamentə) keçirilən seçkilərin yekunlarına əsasən birinci yeri tutur.

“İki sahil” xəbər verir ki, bu barədə səsvermə məntəqələri bağlandıqdan sonra "Kan-11" dövlət telekanalının yaydığı "exit poll" nəticələrində bildirilir.

Məlumata görə, "Likud" 120 yerlik parlamentdə 25 mandar əldə edir. Onun əsas rəqibi — Qadi Ayzenkotun "Yaşar" partiyası isə ikinci yerdə qərarlaşıb. Bununla belə, müxalifət bloku hazırkı hakim koalisiya partiyalarının blokunu üstələyir.

Mərkəzi Seçki Komissiyasının səslərin ilkin nəticələrini oktyabrın 29-da açıqlayacağı, seçki prosedurlarının yekun nəticələrinin isə ən geci noyabrın 4-dək rəsmi dərc olunacağı gözlənilir.