Məlum olduğu kimi, Heydər Əliyev Fondu Səhiyyə Nazirliyinin Elmi-Tədqiqat Hematologiya və Transfuziologiya İnstitutu ilə birgə talassemiya, eləcə də hemofiliya xəstəliklərindən əziyyət çəkənləri qan, onun komponentləri ilə təmin etmək üçün vaxtaşırı ölkə ərazisində qanvermə aksiyaları keçirir. Belə bir humanist tədbir Astara Rayon Mərkəzi Xəstəxanasında baş tutdu.
İdarə, müəssisə və təşkilatların kollektivlərinin, hüquq mühafizə orqanları əməkdaşlarının, ictimaiyyət nümayəndələrinin qatıldıqları aksiyada 150 nəfər rayon sakini tam yoxlandıqdan sonra onların 75-dən qan götürüldü. Elmi-Tədqiqat Hematologiya və Transfuziologiya İnstitutunun Mərkəzi Qan Bankının əməkdaşları tərəfindən toplanan qan laboratoriya müayinəsindən sonra ehtiyacı olan xəstələrə sərf olunacaq.
Zəfər Orucoğlu,
Azərbaycan Jurnalistlər Birliyinin üzvü