06 dekabr 2019 15:01
596

Murad Arif “Eurovision”da Azərbaycanı təmsil etmək istəyir

Murad Arif gələn il Azərbaycanı “Eurovision”da təmsil etmək niyyətindədir.

Publika.az xəbər verir ki, aparıcı-müğənni bu barədə sosial şəbəkədə elan edib: “Elektra Hall konsertimdən sonra, bəyan etmək istəyirəm və hər birinizdən bu bəyanata dəstək gözləyirəm... “Eurovision 2020” üçün namizədliyimi rəsmi olaraq təklif edirəm! Mən buna hazıram! Mən bunu arzulayıram! Bizə 3 dəqiqəlik HIT lazımdır! Özümüz yazaq, öz uşaqlarımızla, öz nəğməmizlə oraları partladaq!”

Müğənni özünə əmin olduğunu və təşkilatçılardan bu yolda dəstək gözlədiyini gizlətməyib.

Qeyd edək ki, müsabiqə 12-16 may 2020-ci il tarixində Rotterdamın “Rotterdam Ahoy” arenasında keçiriləcək.