Daha çox yeməklə arıqlamaq mümkündürmü və ya daha çox arıqlayarkən nələrə diqqət etməlisiniz?

Həmişə səhər yeməyi yeyin

Sağlam bir şəkildə arıqlamaq istəyirsinizsə, gününüzü səhər yeməyi ilə başlamağın lazım olduğunu unutmayın. Səhər yeməyi günün ən vacib yeməyidir. Buna görə balanslı və adekvat bir səhər yeməyi gününüzü enerjili başlamağa və metabolizminizi sürətləndirməyə imkan verir. Əgər sürətli həyat tempiniz varsa və  səhərlər çox erkən oyanırsınızsa, öncəki axşamdan özünüz üçün sendviç hazırlaya bilərsiniz. Pendirli sendviçlər və tam buğda çörəyi ilə hazırlanmış ,bol yaşıl tərkibli sendviçlər səhərlərinizin xilaskarı ola bilər. Bir sözlə, səhər yeməyindən və kalorilərdən qorxmaq lazım deyil.

Qəlyanaltılar atlamayın

Qəlyanaltılar qan şəkərinizin tənzimlənməsində düşündüyünüzdən də vacib bir rola malikdir. Qəlyanaltı etməyəndə qan şəkəriniz azalır və əsas yeməkləri gözləyərkən çox ac qalırsınız. Bu, əsas yeməklərdə adi haldan daha çox yeməyinizə səbəb ola bilər. Unutmayın ki, aclıq böhranının qarşısını almaq üçün qəlyanaltı etməlisiniz. Fındıq, pəhriz peçenyələri və hətta bir neçə parça tünd şokolad belə məqamlarda xilaskarınız ola bilər. Unutmayın ki, özünüzü ac saxlamaqla arıqlaya bilməzsiniz.

Balanslı pəhriz saxlayın

Hər bir insan kimi sizin də ürəyiniz kalorili yemək arzusunda ola bilər. Bu, olduqca normaldır. Özünüzü məhdudlaşdırmayın və kilo vermə prosesinizi əziyyətə çevirməyin. İstədiyinizi yeməkdə azadsınız. Sadəcə diqqət edin ki, yediyiniz kalorili yeməkləri tarazlaşdırasınız. Məsələn, nahar üçün pizza və ya makaron yemək istəyə bilərsiniz. Əvvəlcə bu seçimlərinizi daha sağlam hala gətirməyə çalışın. Tam buğda unundan bol tərəvəzli nazik xəmirli pizza və ya pomidor sousu ilə hazırlanan makaron daha yaxşı seçim ola bilər.

İdmanı vərdiş halına gətirin

Unutmayın ki, yalnız arıqlamaq üçün deyil, sağlam həyat sürmək üçün idmanla məşğul olmalısınız.Yeməkdən sonra hər gün bir saat gəzməklə ortalama 300 kalori yandıra bilərsiniz. Bu yolla sağlam bir şəkildə arıqlaya bilərsiniz.

Bol su için və müəyyən bir saatdan sonra yəmək yeməyin

Yatmadan 3 saat əvvəl bol su içilməli və yüksək kalorili yemək yeməməlisiniz. Günü erkən başlamağa çalışın və gün ərzində həmişə bir stəkan su istehlak edin. Çay sevən birisinizsə, seçiminizin yaşıl çay olmasına diqqət edin. Ayrıca, çay və qəhvə kimi içkilərlə çalışın şəkər qəbul etməyəsiniz.

Samirə İsmayılova, “İki sahil”