İyulun 8-də tədris digər dillərdə aparılan bölmələr üzrə şifahi nitq bacarıqlarının qiymətləndirilməsi ilə bağlı müsahibədə uğur qazanmış uşaqların I sinfə qəbulu üçün məktəb seçiminə start verilib.

"İki sahil" xəbər verir ki, valideyn (qanuni nümayəndə) şəxsi kabinetə daxil olaraq qeydiyyatda olduğu ünvana uyğun təhsil müəssisəsinə sorğu yerləşdirə bilər. Müsahibənin nəticəsi məqbul hesab edilməyən uşaqların valideynləri isə Azərbaycan bölməsi üzrə müraciət edə bilərlər.

Məktəb seçimi zamanı hər hansı sualla qarşılaşan valideynlər şəxsi kabinetlərindəki “Əlaqə” bölməsinə yaza və ya iş günləri ərzində Təhsil Nazirliyinin 146-1 "Qaynar xətt" xidməti ilə əlaqə yarada bilərlər.

Qeyd edək ki, ümumi təhsil müəssisələrinin I siniflərinə şagird qəbulu bu sistem vasitəsilə elektron qaydada həyata keçirilir.