“Fransa Senatı ermənilərin istəyilə Azərbaycana qarşı ciddi təzyiq vasitəsi kimi bu sərsəm və heçbir hüquqa söykənməyən qərarı çıxararaq beynəlxalq hüququ pozdu. Senat bu addımı ilə BMT Təhlükəsizlik Şurasına qarşı çıxdı. Çünki Fransa özü böyük şeytandır və işğalçıdır‚ müstəmləkəçidir. Bu‚ əsrlər boyu belə olub və belə davam edib”.

Bunu mətbuata açıqlamasında politoloq Mirsamir Məmmədov deyib.

M. Məmmədov bildirib ki‚ Fransa tarix boyu işğalçı ölkə olub. Fransa hələ yüzillər öncədən indiyə Planetin bir çox yerində qanlar töküb‚ günahsız insan qanı axıdıb‚ kütləvi qətliamlar törədib‚ soyqırımlar həyata keçirib. Açıb bütün tarix kitablarına‚ dünya Ensiklopediyasına və bütün tarixi mənbələrə baxılsa‚ görünəcək ki‚ Fransa birmənalı olaraq işğalçıdır‚ imperialistdir‚ qarətçidir‚ müstəmləkəçidir və istismarçıdır. Fransa öz sərhədlərindən çox-çox uzaqlardan etdiyi qarətlərlə‚ istismarlarla öz dövlətini qurub və iqtisadiyyatını gücləndirib.  Bu‚ məsələnin ümumi tərəfi. Keçək əsas və xüsusi məsələyə‚ Fransa Senatının Rəyasət heyyətinin qondarma Dağlıq Qarbağ rejiminin müstəqilliyini yekdilliklə tanıyıb qərar qəbul etməsi beynəlxalq hüququn kobud və qorxunc formada pozuntusudur. Fransa Senatı BMT Təhlükəsizlik Şurasının qəbul etdiyi 4 qətnamənin əleyhinə qərar çıxartmış oldu”.

O, vurğulayıb ki, Fransa Senatının qəbul etdiyi bu sərsəm qərar  birbaşa Azərbaycan dövlətçiliyi və ərazi bütövlüyü əleyhinə olan aktdır: “Bu isə Azərbaycana qarşı düşmənçilik faktıdır. Azərbaycan BMT-yə bu torpaqlarla daxil olub. Dünya birliyi Azərbaycanın ərazi bütövlüyünü məhz bu gün ermənistanın tərk etməli olduğu torpaqlar və səhədlərlə tanıyıb. Hələ 28 il öncə  1992-ci ildə BMT Təhlükəsizlik Şurası ermənilərin işğal etdiyi bütün Azərbaycan torpaqlarını qeyd-şərtsiz tərk etməsi və Azərbaycan torpaqlarının işğalına son qoyulması üçün 4 qətnamə qəbul edib və ermənistanı işğalçı ölkə olaraq tanıyıb. Bu isə o deməkdir ki‚ Qarabağ və bütün ərazilər Azərbaycana məxsusdur. Qondarma Dağlıq Qarabağ separatçı rejiminin müstəqilliyini tanımağa çalışan hər kəs beynəlxalq hüququ pozmuş sayılır və bu hal isə‚ birmənalı olaraq başqa bir ölkənin ərazi bütövlüyünə təhdid və müdaxilə etmək cəhdidir. Bu hal özü beynəlxalq diplomatik cinayətdir. BMT Nizamnaməsinə əsasən bir ölkənin başqa bir ölkənin ərazi bütövlüyünə təhdid yaradan addım atması və  hər hansı bir dövlətin ərazisinin işğalı və ya başqa dövlət tərəfindən işğal edilməsinə haqq qazandırılması qətiyyən qəbul edilməzdir və beynəlxalq hüququn pozulmasıdır. Bunu edən birmənalı olaraq beynəlxalq qanunlarla məsuliyyət daşıyır. Bu gün Fransa Senatının qəbul etdiyi qərar cinayətə və işğala haqq qazandırmaqdır və bu halın özü beynəlxalq cinayətdir. Fransa Senatı bu ermənipərəst davranışı ilə ermənidən artıq ermənilik etmiş oldu. Fransa ermənilərin tərk etdiyi Azərbaycan torpaqlarının təkrar ermənistana birləşdirilməsinə çalışır.  44 günlük müharibə boyu Fransa ermənilərə əlindən gələn dəstəyi göstərdi‚ ermənilərə hər cür silah‚ sursat və texnika ilə yardım etdi. Fransa bu 44 günlük müharibədə Azərbaycana və Türkiyəyə qarşı əlindən gələn təxribatı törətdi‚ kəskin aqressiya göstərdi. Hər zaman dişlərini bizə qarşı qıcadı‚ erməniləri var qüvvəsilə müdafiə etməyə və qorumağa çalışdı. Amma bütün bu təxribatlara və ermənilərə dəstək edilməsinə baxmayaraq hərb meydanında biabrçı məğlubiyyətə uğradılar. Fransa bu biabrçı məğlubiyyətdən sonra bu təxribatı törətdi‚ beynəlxalq hüququ pozaraq bir ölkənin ərazi bütövlüyü əlayhinə qərar qəbul edərək‚ işğala və hərbi təcavüzə‚ terrora və vandalizmə haqq qazandırdı. ASALA terror təşkilatının bəsləndiyi yerdir Fransa və Paris. ASALA-nın bir çox silah anbarı məhz Fransada yerləşir. Bu günümüzdə isə Fransa qondarma Dağlıq Qarabağ separatçı rejiminin müstəqilliyini tanıyaraq beynəlxalq bir təxribat törətdi. Əlbəttə ki‚ dünya Fransadan ibarət deyil‚ Azərbaycanın ərazi bütövlüyü beynəlxalq qanunlarla‚ beynəlxalq ictimaiyyət tərəfindən tanınıb və ermənipərəst qüvvələr nə qədər çalışsalar da‚ bu reallığı heçbir zaman dəyişə bilməzlər.

Biz‚ BMT-yə məhz bu ərazilərlə daxil olmuşuq. Azərbaycan sərhədləri və ərazi bütövlüyü BMT-də təsdiqlənib və bütün dünya dövlətləri Azərbaycanın ərazi bütövlüyünü bu torpaqlarla birlikdə tanıyıb. Fransa isə bütün dünyanın əksinə getməyə çalışdı. Hər nə qədər ki‚ gec deyil‚ Fransa hökuməti və Fransa prezidenti Senatın bu sərsəm qərarına yenidən baxmalı və bu sərsən ermənipərəst anti-Azərbaycan qətnaməsi dərhal ləğv edilməlidir. Onsuz da Fransa Senatının bu sərsəm və gülünc doğuran‚ heçbir hüquqa və arqumentə söykənməyən‚ beynəlxalq hüquq əleyhinə olan təxribat xarakterli qanunsuz qərarı Beynəlxalq müstəvidə və dünya birliyində heçbir əhəmiyyət kəsb etmir və heçbir rol oynaya bilməz. Fransa Senatı bu qərarla özünü bir daha nüfuzdan saldı. Bütün dünya gördü ki‚ Fransa bir erməni dövlətidir və  erməni lobbisinin sifarişi ilə Makron hökuməti ermənilərin xeyrinə bu sərsəm və mənasız qərarı qəbul etdi”.