Futbol üzrə Uruqvay millisinin və İspaniyanın “Atletiko” klubunun hücumçusu Luis Suares koronavirusdan sağalıb.

“İki sahil”  Madrid təmsilçisinin rəsmi saytına  istinadən xəbər verir ki, təcrübəli forvardın sonuncu COVİD-19 testinin neqativ çıxdığı diqqətə çatdırılıb. O, dekabrın 4-dən etibarən komanda ilə məşqlərə başlayacaq.

Xatırladaq ki, Suares koronavirusa noyabrın 17-də Uruqvay yığmasının düşərgəsində olarkən yoluxmuşdu. Məhz bu üzdən o, UEFA Çempionlar Liqasında “Lokomotiv” (0:0) və “Bavariya” (1:1), eləcə də İspaniya çempionatında “Barselona” (1:0) və “Valensiya” ilə oyunları buraxmalı olub.