01 dekabr 2021 01:59
457

Uğursuz gedişə son qoymaq istəyirdik

“Qrupda keçirdiyimiz ilk beş oyun bizim üçün yaxşı nəticələnməmişdi. Təbii ki, bu nəticələr bizi qane etmirdi. Uğursuz gedişə son qoymaq istəyirdik".

“İki sahil” xəbər verir ki, bu sözləri qadınlardan ibarət millimizin baş məşqçisi Siyasət Əsgərov dünya çempionatının seçmə mərhələsində Bakıda Monteneqroya qalib gəldikləri oyundan (1:0) sonra mətbuat konfransında deyib.

O, 5 məğlubiyyətdən sonra qazanılan ilk qələbəni belə şərh edib: "Sevindirici haldır ki, uğursuzluğa son qoyub evdə qalib gəlməyi bacardıq. Bu nəticə gələcək oyunlar üçün komandaya əlavə stimul verəcək. Qarşıdakı 4 oyundan müsbət nəticələr əldə edib qrupu üst pillələrdə tamamlamaq istəyirik”.