“İnter”in hücumçusu Aleksis Sançes İtaliya Superkubokunda yeni rekorda imza atıb. 

"İki sahil" “Opta”ya istinadən xəbər verir ki, 33 yaşlı hücumçu buna ötən gecə “Yuventus”la görüşün 121-ci dəqiqəsində fərqlənməklə nail olub. Nəticədə o, turnirin tarixinə ən son anda vurulan qola imza atıb. 

Beləliklə, Sançes “Napoli”nin oyunçusu Qonzalo İquainin rekordunu qırıb. Futbolçu 2014-cü ildə “Yuventus”a qarşı görüşdə (2:2) 118-ci dəqiqədə fərqlənmişdi. 

Qeyd edək ki, “İnter” “Yuventus”u 2:1 hesabı ilə məğlub edərək İtaliya Superkubokunun qalibi olub.