Rusiya paytaxtında “Azərbaycan kinosu həftəsi” keçiriləcək.

“İki sahil” xəbər verir ki,  Xalq Təsərrüfatı Nailiyyətləri Sərgi Mərkəzindəki (VDNX) “Azərbaycan” pavilyonunda keçiriləcək “Azərbaycan kinosu həftəsi” çərçivəsində yanvarın 22-dən başlayaraq fevralın 20-nə kimi hər həftənin şənbə-bazar günləri tanınmış klassik Azərbaycan filmləri nümayiş olunacaq.

VDNX-nın saytında “Azərbaycan kinosu həftəsi” çərçivəsində nümayiş olunacaq filmlərin siyahısı və seansların cədvəli çap olunub.

Belə ki, “Azərbaycan kinosu həftəsi”ndə “Gün keçdi”, “Qorxma, mən səninləyəm”, “Ad günü”, “Bir cənub şəhərində”, “İstintaq”, “Qaynana”, “Arşın mal alan”, “Şərikli çörək” və “Gecə qatarında qətl“ filmləri nümayiş olunacaq.