Alimlər ilk dəfə olaraq göstəriblər ki, alın əzələlərinə toksin yeridilməsi sərhədli şəxsiyyət pozğunluğu olan insanların emosional vəziyyətini yaxşılaşdırır. Həmçinin MRT-nin köməyi ilə alman mütəxəssisləri botoksun təsirinin beyinə necə yayıldığını göstəriblər.

Botoks olaraq bilinən bakterial botulinum toksini əksər insanlar tərəfindən qırışları xilas edən estetik dərman vasitəsi kimi tanınır. Ancaq botoks daha çox şey edə - əzələlərə vurularsa, depressiyanı azalda bilər.

O, həmçinin həddindən artıq əhval dəyişikliyindən və xəstəliyin bir sıra digər ağır simptomlarından əziyyət çəkən sərhədli şəxsiyyət pozğunluğu (BPD) olan insanlarda mənfi emosiyaları azaldır. Hannover Tibb Məktəbinin professoru Tillmann Krüger və onun həmkarları bunu illər əvvəl sübut ediblər.

İndi alman tədqiqatçıları daha da irəli getmək və qaş nahiyəsinə vurulan botoksun əslində beynin daxili strukturlarının fəaliyyətinə necə təsir etdiyini anlamaq qərarına gəliblər.

Mənfi duyğularımız qaş bölgəsində, orta alın bölgəsində ifadə edilir. Biz əsəbiləşdiyimiz və ya stress keçirdiyimiz zaman iki fərqli əzələ növü büzülür və burun ətrafında qırışlara səbəb olur.

Botulinum toksini qaşlar arasına vurulduqda qaşarası əzələləri iflic edir. Amma üz ifadələri və psixoloji vəziyyət bir-biri ilə sıx əlaqəli olduğundan, bu, həm də duyğularımızın intensivliyini azaldır.

Professor Krueger izah edir: "Rahat alın belə demək mümkünsə, daha müsbət hisslər yaradır".

Elmdə buna üzlə əks əlaqə hipotezi deyilir. Əvvəlki meta-analizdə professor Krueger və komandası qaş nahiyəsinə botulinum toksin inyeksiyalarının əhval-ruhiyyəyə müsbət təsir etdiyini nümayiş etdirdilər. Nəticədə xəstələrdə depressiya əlamətləri xeyli yüngülləşmişdi.

"Botulinumla müalicənin eyni anda bir neçə üstünlüyü var: iflicedici təsir üç və ya daha çox ay davam etdiyi üçün inyeksiya da yalnız bu intervallarla aparılmalıdır”, -deyə professor Krueger izah edib.

Nubar Süleymanova, “İki sahil”