Sülhməramlıların nəzarəti altındakı ərazilərimizdə yaşayan erməni əsilli vətəndaşlarımız Araik Artunyanın, Ruben Vardanyan və dişgər separatçıların girovluğundan azad olunmalıdır.

“İki sahil” xəbər verir ki, bunu Milli Məclisin bu gün keçirilən plenar iclasında deputat Azər Badamov deyib.

"Qarabağda yaşayan dinc əhali Azərbaycan vətəndaşlarıdır və dövlətimiz dəfələrlə onların ehtiyaclarını, kommunikasiyalarını təmin etməyə hazır olduğunu bəyan edib. Aksiya iştirakçılarının məqsədi ordakı erməni əsilli vətəndaşlarımızı humanitar problemlərlə üzləşdirmək deyil, əksinə onların humanitar problemlərinin həllinə, təhlükəsizlik və birgə yaşayış təmin olunmasına nail olmaqdan ibarətdir", - deyə o qeyd edib.