"Diasporlarımız zaman-zaman müxtəlif problemlərlə üzləşir".

“İki sahil” xəbər verir ki, bunu Türkiyənin Mədəniyyət və Turizm Nazirliyinin Xaricdə yaşayan Türklər və Əqrəba İcmaları Baş İdarəsinin sədri Abdullah Eren Türk Dövlətləri Təşkilatının (TDT) diaspor məsələlərinə məsul dövlət qurumlarının rəhbərlərinin beynəlxalq Bakı-Şuşa forumunda bildirib.

O qeyd edib ki, gələcəkdə TDT-yə üzv dövlətlərin diaspor təşkilatları ilə fəaliyyətlərini daha da genişləndirəcəklər: “Azərbaycan və Türkiyə diaspor təşkilatları arasında çox sıx əməkdaşlıq mövcuddur. Bu əməkdaşlığl daha da gücləndirəcəyik. Gələcək illərdə Azərbaycanda TDT-nin Gənclər Forumu keçirləcək. Daha sonra bu forumun Türkiyədə də keçirilməsini arzu edirik”.

"Fransa parlamentində Azərbaycan və Türkiyə əleyhinə qətnamələrin qəbul edilməsindən sonra diaspor təşkilatlarımız birgə qərarlar verdi, birlik nümayiş etdirdi", - A.Eren vurğulayıb.