Təəssüf ki, Ermənistan hələ də hərbi-siyasi təxribatlarını davam etdirərək bölgədə sabitliyin təmin olunmasına maneə törədir.

“İki sahil” xəbər verir ki,  bunu bu gün Azərbaycan Respublikası Xarici İşlər Nazirliyində (XİN) keçirilən 20 Yanvar faciəsinin 33-cü ildönümünə həsr olunmuş anım tədbirində çıxışı zamanı xarici işlər nazirinin müavini Xələf Xələfov deyib.

“Bütün bu çətinliklərə baxmayaraq, Azərbaycan regionda davamlı sülh, təhlükəsizlik və inkişafın təmin olunması istiqamətində səylərini davam etdirmək əzmindədir”, - o qeyd edib.