23 yanvar 2023 09:19
303

BQXK-ya məxsus avtomobillər Laçın yolundan keçib

Beynəlxalq Qırmızı Xaç Komitəsinə (BQXK) məxsus 5 avtomobil Laçın yolundan keçib.

“İki sahil” xəbər verir ki, BQXK-yə məxsus 5 minik avtomobili Laçın yolundan maneəsiz keçməsi üçün şərait yaradılıb.

Bu, bir daha onu göstərir ki, aksiyanın təşkil olunduğu ərazidə humanitar məqsədli maşınların hərəkəti sərbəstdir və buna heç bir maneə yoxdur.

Qeyd edək ki, Qarabağda "Qızılbulaq" və "Dəmirli" faydalı qazıntı yataqlarının qanunsuz istismarı nəticəsində ətraf mühitə vurulmuş ziyanın monitorinqinin aparılmasına icazə verilməsini tələb edən azərbaycanlı ekoloqların, qeyri-hökumət təşkilatlarının nümayəndələrinin və fəallarının ötən il dekabr ayının 12-dən Şuşa ərazisindən keçən Laçın-Xankəndi yolunda təşkil etdikləri etiraz aksiyası 43 gündür davam edir.