Xoş ənənələrə əsaslanan Azərbaycan-Kuba əlaqələri bu gün uğurla inkişaf etməkdədir.

“İki sahil” xəbər verir ki, bu barədə Prezident İlham Əliyevin Kuba Respublikasının Prezidenti Migel Dias-Kanel Bermudesə təbrik məktubunda deyilir.

"İnanıram ki, ölkələrimiz arasındakı dostluq münasibətlərinin daha inkişafı, həm ikitərəfli, həm də çoxtərəfli müstəvidə qarşılıqlı faydalı əməkdaşlığımızın genişlənməsi yolunda birgə səylərimizi bundan sonra da ardıcıl şəkildə davam etdirəcəyik", - məktubda vurğulanır.