İlk uşaq dünyaya gələndən sonra kişilər təqribən 2 kilo kökəlirlər. Uzun illər bu kökəlməni öyrənməklə məşğul olan mütəxəssislər axır ki, bunun səbəbini öyrəniblər. Ən əsası ata olan kişilərin çiynindəki məsuliyyət artır, bütün problemlərini özü həll etdiyi üçün idmana getməyə vaxt tapa bilmir. İkinci səbəb isə uşaq olan evə dondurma, qurabiyə kimi qidaların daha çox girdiyi və adətdən kişilərin uşaqların yeməyindən də yeməkdir.
Kakaonun effektli təsiri
İdmançılar fiziki gərginlikdən sonra əzələlərin bərpasından ötrü bir sıra içkilərdən istifadə edirlər. Bütün bu içkilərin ən effektli təsirə malik olduğu soyuq kakaondur. Onun bərpa etmə gücü başqa içkilərdən daha üstündür. Bu da əsasən kakaonun tərkibindəki karbohidratlarla zülalların düzgün ahəngi ilə bağlıdır. Həmçinin az yağlı kakao əzələləri gərginliyə hazırlamaqla bərabər, orqanizmi tərləmə zamani itirdiyi elektrolitlərlə, maqneziumla, kaliumla, kalsiumla təmin edir.
Həm də kakaon ürək-damar xəstəliyinə qarşı faydalıdır. O, qan damarlarının divarlarında xolesterin pilərini əridir.
Gündə iki-üç iydə yeyəndə...
İydənin tərkibində olan maddələr sakitləşdirici təsirə malikdir, nəticədə sinir sisteminin fəaliyyətinə müsbət təsir edir, adamın əhval-ruhiyyəsini qaldırır. Bu şəfa verici meyvənin dəmləməsi nəfəs yollarını təmizləməklə onun rahatlığına yol açır. İydə yarpağından, qabığından hazırlanmış dəmləmə bir sıra xəstəliyə dərmandır. Onu da bildirək ki, iydəni təzə halda yemək, həm də ondan mürəbbə, cem, kompot hazırlamaq olar. Bəzi ölkələrdə isə bu meyvəni qurudub un hazırlayır və undan müxtəlif şirniyyatlar bişirirlər.
Zəfər Orucoğlu,
Azərbaycan Jurnalistlər Birliyinin üzvü