Gürcüstan cari ilin yanvar-may ayları ərzində 600 396,00 min kilovat/saat elektrik enerjisi idxal edib. Bunun da 415,892,00 min kilovat/saatını ixrac edib.

“İki sahil” xəbər verir ki, bu barədə Gürcüstan Milli Statistika Xidməti məlumat yayıb. Bildirilir ki, Gürcüstanın elektrik enerjisi idxal etdiyi ölkələr sırasında Azərbaycan Rusiyadan sonra ikinci yerdədir.

Qeyd edilib ki, 2023-cü ilin 5 ayında Gürcüstan elektrik enerjisi ixracından 29 milyon, 898 min ABŞ dollar əldə edib ki, bunun da 89 faizi Türkiyənin payına düşüb.