11 iyul 2023-cü il tarixində Mərkəzi Bankda növbəti valyuta hərracı keçirilib.

Bu barədə "İki sahil"ə Mərkəzi Bankdan bildirilib.

Məlumata görə, hərracda tələb 32,2 mln. ABŞ dolları təşkil edib və tam təmin edilib.

Qeyd edək ki, bu göstərici ötən hərracdan 2 dəfə çoxdur. Belə ki, iyulun 6-da keçirilən valyuta hərracında banklar 15.7 milyon dollar alış həyata keçirib.

Xatırladaq ki, hərracda manatın ortaçəkili məzənnəsi 1,7000 səviyyəsində formalaşıb.