Alkoqola olan həddindən artıq “ehtiras” alkoqolizmə çevrilən asılılıq yarada bilər ki, bundan xilas olmaq üçün peşəkar mütəxəssislərin köməyinə ehtiyac var. Sizi alkoqolizm haqqında 9 ən məlumatlandırıcı faktla tanış olmağa dəvət edirik.

Alkoqolizm bir xəstəlikdir

Alkoqolizm də digər xəstəliklər kimi bədəndə müəyyən proseslər və patoloji dəyişikliklərlə müşahidə edilən bir xəstəlikdir.  Buna görə də kimin necə içməsi və ya içməyi bacarıb-bacarmamasına dair fikirlər səhvdir - bu, sadəcə ikinci mərhələsində müqaviməti artırır, ancaq bir müddət sonra özünə nəzarətin itirilməsi ilə təəssüf ki, üçüncü mərhələ gələcək.

Alkoqolizm insanın iradəsinin zəifliyi deyil

Beyində müəyyən neyrofizioloji, eləcə də biokimyəvi dəyişikliklər baş verir. Nəticədə, qida və su kimi, orqanizm spirt "tələb etməyə" başlayır.

Alkoqolizmin müalicəsi yoxdur

Ancaq kodlaşdırma və reabilitasiya kursunu bitirdikdən sonra həyat boyu davam edə biləcək sabit bir remissiya əldə edə bilərsiniz.

Əgər bir neçə il spirtli içki qəbul etməsəniz, o zaman risk aradan qalxacaq

Bu da bir yalandır. Bədəndə zamanla yox olmayan müəyyən dəyişikliklər baş verir. Əgər bir insan sərxoşluğa meyillidirsə, o, həmişə belə qalacaq.

Yalnız arzulayanda içən alkoqolik yoxdur

Alkoqol asılılığından əziyyət çəkən xəstələrin əksəriyyəti öz istəkləri ilə içəcəklərinə və ya içməyəcəklərinə əmindirlər, düşünürlər ki, istənilən vaxt dayandıra biləcəklər. Bu da bir aldatmadır, alkoqol asılılığı varsa, o həmişə hakim olacaq.

100% uğurlu müalicə yoxdur

Müasir klinikalarda ən təcrübəli narkoloqlar çalışır, müasir avadanlıq və effektiv dərmanlar, klassik və innovativ kodlaşdırma üsulları mövcuddur. Ancaq 100% zəmanət verən belə bir üsul hələ ki, yoxdur.

Universal müalicə vasitələri yoxdur

Alkoqolizmdən əziyyət çəkən hər bir şəxs üçün fərdi yanaşma təmin edilməli və optimal terapiya metodu seçilməlidir. Bəziləri üçün “Dovzhenko” metodu ilə kodlaşdırma daha uyğun ola bilər, digərləri üçün isə xüsusi preparatlarla müalicə.

Xalq təbabəti bəzən işə yarayır

Əsas olan problemi dərk etmək və motivasiyadır. Bir insan həqiqətən içməyi dayandırmaq istəyirsə, o zaman bəzi xalq üsulları kömək edə bilər ki, bu da alkoqolun fiziki psixoloji istəyini azaltmağa və ondan qurtulmağa kömək edir.

Psixi müalicə və fizioterapiya önəmlidir

Ən çox istifadə edilən dərmanlar naltrekson və disulfirama əsaslanır. Ancaq bu gün dərman müalicəsinin daha təsirli olması üçün mütəxəssislər hesab edirlər ki, psixokorreksiya və fizioterapiya kursu ilə düzgün birləşdirilməlidir.

Nubar Süleymanova, “İki sahil”