“Azərbaycan-Ukrayna əlaqələrinin keçən ilin yanvarında Ukraynaya səfərim zamanı imzaladığımız Birgə Bəyannamədə öz əksini tapmış məram və məqsədlərə uyğun olaraq bundan sonra da inkişaf edəcəyinə inanıram".

“İki sahil” xəbər verir ki, bunu Prezident İlham Əliyev Ukraynanın Müstəqillik Günü münasibətilə Ukrayna Prezidenti Volodimir Zelenskiyə ünvanladığı məktubunda deyib.

“Əminəm ki, xalqlarımızın mənafelərinə uyğun olaraq Azərbaycan ilə Ukrayna arasında dostluq münasibətlərinin genişlənməsi, qarşılıqlı faydalı əməkdaşlığımızın möhkəmlənməsi yolunda birgə səylərimizi bundan sonra da ardıcıl şəkildə davam etdirəcəyik”, - dövlət başçısı əlavə edib.