“Biz istəyirik ki, Laçın dəhlizində məhdudiyyətlər olmasın, bu, fayda gətirmir, imkanları daraldır. Biz istəyirik bu məsələyə həllini tapsın. Bu qadınların, uşaqların, yaşlıların həyatına risk yarada bilər. Biz hesab edirik ki, Azərbaycan məsuliyyətli şəkildə bu məsələni həll edə bilər. Brüssel bundan sonra da öz üzərinə düşəni edəcək ki, regionda dayaanıqlı sülh təmin olunsun”.

“İki sahil” xəbər verir ki, bunu Belçikanın xarici işlər naziri Hadca Labib Bakıda Azərbaycan XİN başçısı Ceyhun Bayramovla görüşdən sonra keçirilən brifinqdə deyib.

“Biz Aİ-də Azərbaycanı vacib tərəfdaş hesab edirik, bu tərəfdaşlığın davam etməsini istəyirik. Enerji sahəsində Azərbaycan böyük rol oyanır, biz sizin yardımınızı görürük. Enerji sahəsində, xüsusilə də bərpa olunan enerji sahəsində əməkdaşlığımızın genişlənməsini istəyirik”, - deyə o qeyd edib.

Xanım naziri Aİ və Azərbaycanın insan hüquqları sahəsində əməkdaşlığa davam edəcəyini də bildirib: “Biz istəyirik ki, əməkdaşlıq istiqamətlərimiz geniş olsun”.