Azərbaycan Dövlət Neft Şirkəti (SOCAR) Rumıniyada yeni yanacaqdoldurma məntəqəsini istifadəyə verib.

"İki sahil” Rumıniyadakı törəməsi olan “SOCAR Petroleum SA” şirkətinə istinadən xəbər verir ki, bu məntəqə Rumıniyanın liman şəhəri Konstantsada “SOCAR” brendli sayca 74-cü, sözügedən regionda isə ilk YDM-dir.

Məlumatda deyilir ki, 16 il əvvəl SOCAR Rumıniyada hüquqi şəxs olaraq qeydiyyatdan keçdikdə onun 74 yanacaqdoldurma məntəqəsi şəbəkəsinə malik olacaq bir şirkətə çevriləcəyi inanılmaz idi. Biznes fəaliyyətinə başlanılan qisa müddət ərzində SOCAR Rumıniyada illik dövriyyəsi 500 milyon avrodan çox olan regional bir treyderə çevrilib, ölkənin enerji bazarına 70 milyon avro həcmində sərmayə yatırıb, dövlət büdcəsinə 100 milyon avrodan çox vergi ödəyib, ətrafında 750-dən çox əməkdaşı birləşdirən böyük bir "SOCAR Romania" ailəsinə çevrilib.

Qeyd edək ki, hazırda “SOCAR Petroleum SA” Rumıniyanın 28 regionunda "SOCAR" brendli yanacaqdoldurma məntəqəsi şəbəkəsinə malikdir.