Bu gün Qaradağ rayonunun Lökbatan qəsəbəsində qaz olmayacaq.

“İki sahil” xəbər verir ki, bu barədə Azərbaycan Dövlət Neft Şirkətinin (SOCAR) “Azəriqaz” İstehsalat Birliyi məlumat yayıb.

Bildirilib ki, "Lökbatan” Qaz Paylayıcı Stansiyasında və “Lökbatan” Qaz Tənzimləmə Məntəqəsində görüləcək təmir-quraşdırma işləri ilə əlaqədar sentyabrın 20-də saat 09:30-dan işlər başa çatanadək adıçəkilən QPS-dən qaz təchizatı dayandırılacaq.

Təmir aparılan müddətdə Qaradağ rayonunun Lökbatan qəsəbəsinin qaz təchizatında müvəqqəti fasilə yaranacaq.