Rəsm çəkmək çox vaxt yaradıcı insanlar arasında sevimli hobbidir. Axı bu, özünüifadə və ilhamın ən qədim yoludur. Məsələn, məşhur aktyorları götürək. Xidmətlərinin bir hissəsi olaraq onlar bir çox bacarıqlara yiyələnməlidirlər: mahnı oxumaqdan və musiqi alətlərində ifa etməkdən tutmuş qılıncoynatma və at sürməyə qədər. Ancaq göründüyü kimi, onlar həm də çox yaxşı çəkirlər. Onlar əsl sənətkar olduqlarını iddia etmirlər, lakin əl işləri çox vaxt diqqəti cəlb edir.

Görək hansı dünya məşhurlarının yaxşı əl qabiliyyəti var?

Entoni Hopkins

Hopkins rəsm çəkməyə nisbətən yaxınlarda - cəmi 11 il əvvəl başlayıb. 2005-ci ildə həyat yoldaşı Stella ərində əsl dahi sənətkar keyfiyyətlərini aşkar etdi və onun istedadını inkişaf etdirməyə təkid etdi.

Hannibal Lekter rolunu oynayan adamda Yaradanın incə təbiəti və əsl sənətkar gizləndiyini kim düşünərdi? Hopkinsin yaradıcılığı, əlbəttə ki, Maarifçilik ustalarının rəsmlərinə bənzəmir, lakin onda əsl yaradıcının həqiqi duyğuları mütləq hiss olunur.

Pirs Brosnan

Aktyor rəsm çəkməyə çox vaxt ayırır və əsərlərini internet vasitəsilə uğurla satır.

Silvestr Stallone

Stallone məşhurluqdan əvvəl avtobus biletini ödəmək üçün rəsmlərini satırmış. Bu gün onun əsərləri inanılmaz qiymətədir.

Stallonenin rəsmləri son dərəcə emosionaldır və sənət biliciləri onları “mücərrəd ekspressionizm” kimi təsnif edirlər. Onun rəsmləri sözün əsl mənasında müəllifinin inanılmaz dərəcədə emosional və ekssentrik bir insan olduğundan xəbər verir.

Stallone yeniyetmə ikən rəsm çəkməklə maraqlanırdı, lakin peşəkar təhsil üçün vəsait çatışmazlığı səbəbindən hobbisindən əl çəkməli oldu. O artıq şüurlu yaşda hobbisinə qayıtdı. Şayiələrə görə, o, filmlərdə oynamaqdan daha çox rəsm çəkməyi sevir.

Mişel Pfayfer

Aktrisa təkcə rəsm çəkməyi deyil, həm də öz əlləri ilə müxtəlif əşyalar hazırlamağı sevir.

Conni Depp

Aktyor uzun müddətdir ki, rəsm çəkir. Onun sevimli üslubları pop-art və küçə sənətidir. Deppin rəsmləri arasında ən çox avtoportretlərə, eləcə də yaxınlarının, dostlarının və məşhur şəxsiyyətlərin portretlərinə rast gəlinir.

Mayk Şinoda

Musiqiçi ənənəvi və rəqəmsal rəsmlər çəkir.

Cim Kerri

Cim Kerri parlaq və geniş miqyaslı kətan əsərlər yaratmağı sevir. Onun işləmək üçün sevimli materialı akrildir.

Merilin Manson

Qatı şok rokçu akvarellərin böyük pərəstişkarıdır. Onun əsərlərinin sərgiləri mütəmadi olaraq dünyanın bir çox ölkələrində keçirilir.

Makaulay Kalkin

Kalkin pis vərdişlərdən əl çəkdikdən sonra rəsmlə ciddi məşğul olmağa başladı. Onun hətta Nyu-Yorkda öz rəsm qalereyası var.

III Çarlz

Kral əla akvarel rəssamıdır. O, rəsmlərinin satışından əldə etdiyi vəsaiti xeyriyyəçiliyə sərf edir.

Pol Makkartni

Musiqiçi uşaqlıqdan rəsm çəkməyi sevirdi. Lakin o, yalnız 40 ildən sonra hobbisi ilə ciddi məşğul ola bildi. Makkartninin əsərləri bədii dairələrdə kifayət qədər populyardır və hamısı onun qeyri-adi icra texnikası sayəsindədir.

Keçmiş “Beatles” üzvü Pol Makkartni gəncliyindən rəsm çəkməyi sevirdi. Makkartninin rəsmlərində inanılmaz ifadə var. Polun rəsmləri hər bir əsərinin bəxş etdiyi heyrətamiz rəng birləşməsinə görə şüuraltı səviyyədə tamaşaçıda müsbət emosiyalar oyadır. Bununla belə, Makkartni həmişə qeyd edirdi ki, onu qiymətləndirən tənqidçilərin rəyindən çox, şəkil yaratmaq prosesi daha çox maraqlandırır.

Ceyms Franko

Ceyms Frankonu super istedadlı insan adlandırmaq olar. Çünki o, təkcə filmlərdə çəkilmir, həm də şeir yazır, rejissorluq edir və rəsm çəkir. Onun rəsmlərinə bir çox nüfuzlu qalereyalarda rast gəlmək olar.

Frankonun çox qəşəng və müasir rəsmləri - icrada sadə, lakin çox istehzalıdır. Əslində, Ceyms rənglərlə oynamağı çox yaxşı bacarır.

Ceyms bir çox ulduzların, heyvanların və müxtəlif canlıların portretlərini çəkib. Frankonun rəsmləri, demək olar ki, hər bir əsərində görünən rəngarənglik sayəsində tanınmağa başladı.

Bob Dilan

Bob Dilan uzun müddətdir ki, musiqi sənayesindədir, lakin rəsm çəkmək arzusu uşaqlıqdan onu təqib edir. 2017-ci ildə “Triplicate” albomunu buraxdı və üzərində işləyərkən eyni vaxtda bir neçə rəsm çəkdi.

Lyusi Lui

Aktrisa rəsm çəkməyə olan həvəsini bu günə kimi gizlədir. 1993-cü ildə “Charlie's Angels” ulduzu Yu Ling təxəllüsü ilə əsərlərini sərgilədi.

Coni Mitşell

Bu kanadalı müğənni və bəstəkar həm də yaxşı sənətkardır. Onun avtoportretləri xüsusilə fərqli və qeyri-adidir.

Nubar Süleymanova, “İki sahil”