М.Maqomayev adına Azərbaycan Dövlət Akademik Filarmoniyasının səhnəsində xanəndə Səxavət Məmmədovun 70 illiyinə həsr olunmuş konsert keçirilib.

“İki sahil” xəbər verir ki, konsertdə “Qarabağ” ansamblının müşayiəti ilə (bədii rəhbər: Azərbaycan Respublikasının Əməkdar artisti Fehruz Səxavət; konsertmeyster: Azərbaycan Respublikasının Əməkdar artisti Əliağa Sədiyev (tar)) Azərbaycan Respublikasının Xalq artistləri Nəzakət Teymurova, Teyyub Aslanov, Zabit Nəbizadə, Azərbaycan Respublikasının Əməkdar artistləri Fehruz Səxavət, Zakir Əliyev, Cabir Abdullayev, xanəndələr Vüqar Əliyev, Rəvanə Qurbanovanın ifasında Səxavət Məmmədovun repertuarından mahnı və təsniflər səslənib.