20 noyabr 2023 16:55
319

Antiterror tədbirlərindən sonra Qarabağda 3 000-dən çox tank, 10 000-dən artıq piyada əleyhinə mina aşkarlanıb

"Antiterror tədbirlərindən sonra işğaldan azad edilən ərazilərdə evlərdən, təsərrüfat sahələrindən xeyli sayda silah və hərbi sursatlar aşkarlanıb".

“İki sahil” xəbər verir ki, bunu Azərbaycan Xarici İşlər Nazirliyi ilə Müdafiə Nazirliyinin birgə keçirdiyi brifinqdə Müdafiə Nazirliyinin Mətbuat Xidmətinin rəisi polkovnik Anar Eyvazov deyib.

Onun sözlərinə görə, Azərbaycan ərazilərində təsərrüfat sahələrinin daxilində silah-sursat aşkarlanıb: "Yəni, Ermənistanın hərbi mövqelərimizlə yanaşı, mülki əhalini və mülki infrastrukturu hədəfə alıb".

A.Eyvazov foto və videomaterial vasitəsilə aşkarlanmış silah-sursatları da açıq şəkildə diplomatların diqqətinə çatdırıb. "3000-dən çox tank, 10 000-dən çox piyada əleyhinə mina aşkarlanıb. Həmin hərbi sursatlar arasında dronlar da var".