25 fevral 2024 03:43
274

İsrail polisi aksiyanı dağıtmaq üçün su şırnağından istifadə edib

İsrail polisi Təl-Əvivdə hökumət əleyhinə keçirilən nümayişi dağıtmaq üçün su şırnaqlarından istifadə edib.

“İki sahil” xəbər verir ki, bu barədə TASS məlumat yayıb.

"Tel-Əvivdə hökumət binaları kompleksi yaxınlığında yüzlərlə etirazçı təhlükəsizlik qüvvələrinin evlərinə qayıtmaq tələbinə məhəl qoymur" – məlumatda deyilir.

Agentliyin məlumatına görə, icazəsiz mitinq iştirakçıları növbədənkənar seçkiləri dəstəkləyən şüarlar səsləndirir və baş nazir Benyamin Netanyahunun istefasını tələb edirlər.

Hüquq-mühafizə orqanları Təl-Əvivdə Müdafiə Nazirliyi kompleksi yaxınlığında ictimai asayişi pozan beş nəfərin artıq həbs olunduğunu təsdiqləyib.