15 yaşlı azərbaycanlı İslam Xəlilov terror aktı zamanı 100-dən çox insanı "Crocus City Hall"dan çıxarıb.

“İki sahil” Trend-ə istinadən xəbər verir ki, məktəb şagirdi “Crocus City Hall” qarderobunda əlavə işləyirdi.

İslam fövqəladə hallar zamanı bütün administratorlara göstərişlər verildiyini və o, bu göstərişlərə ciddi əməl etdiyini bildirib. Terror aktı və ondan sonra baş verən yanğın zamanı İslam insanların dalana dirəndiyini görüb və onların təxliyəsinə rəhbərlik etməyə başlayıb.

Yeniyetmə insanları dar keçiddən "Ekspo" ərazisinə, daha sonra isə xidmət binasından keçərək küçəyə çıxara bilib.