Ötən ilin IV rübü ərzində Türkiyədə yaşayan 9 milyon 616 min nəfər səyahətə çıxıb. Bir və ya daha çox gecələmə ilə ölkə daxilində edilən səfərlərin ümumi sayı əvvəlki ilin eyni rübünə görə 32% artaraq 11 milyon 509 min səfərə çatıb. Səyahətçilər bu rübdə 77 milyon 472 min gecə keçirib. Gecələmələrin orta sayı 6,7 gecə olub.

İllik olaraq qiymətləndirildikdə, 2023-cü ildə səfərlərin sayı 2022-ci illə müqaisədə 17,5 faiz artaraq 61 milyon 463 min olub. Səyahətçilər tərəfindən bu il edilən gecələmələrin ümumi sayı ötən illə müqaisədə  10,9 faiz  artaraq 473 milyon 79 minə çatıb. Gecələmələrin orta sayı 7,7 gecə olub.

Turistlər 45 milyard 734 milyon 935 min Türkiyə lirəsi xərcləyib

Yerli turistlərin ölkə daxilində səyahət xərcləri 2023-cü ilin IV rübdə əvvəlki ilin eyni rübünə görə 140% artaraq 45 milyard 734 milyon 935 min TL-yə (Türkiyə lirəsi) çatıb. Bu xərclərin 93 faizi ilə 42 milyard 526 milyon 11 min TL ilə şəxsi, 7 faizi isə, yəni 3 milyard 208 milyon 924 min TL ilə paket tur xərcləri olub. Bir səfər üçün orta xərc 3 974 TL olub.

Orxan Vahidoğlu, "İki sahil"