Yaponiya, İtaliya və Böyük Britaniya birgə hazırladıqları ən yeni qırıcı prototipini 2026-cı ildə hazırlamağı planlaşdırır.

“İki sahil” xəbər verir ki, bu barədə "Nikkei" qəzeti xəbər verib.

Məlumata əsasən, hazırda Yaponiya parlamenti qırıcı təyyarənin yaradılmasında üç ölkənin səylərini, o cümlədən hökumətlərin və özəl şirkətlərin hərəkətlərini əlaqələndirəcək idarəetmə orqanının yaradılması haqqında sazişin müzakirəsinə başlayıb. Tərəflər ilin sonuna kimi GIGO (Global Combat Air Programme International Government Organisation) adlanacaq belə bir təşkilat yaratmağa sadiqdirlər. Onun qərargahı Londonda olacaq və Yaponiya Müdafiə Nazirliyinin bir neçə onlarla əməkdaşı ora göndəriləcək.