"Uzun müddətdir Rusiyada yaşayıram. Əvvəl Ülviyyə Könülün dəvəti ilə Aygün Kazımova ilə klipə çəkildim. Ondan sonra həyatım dəyişdi, hamı küçədə məni tanımağa başladı".

“İki sahil” xəbər verir ki, bu sözləri Xalq artisti Aygün Kazımovanın "Şəklimi çək" klipində rol alan aktyor Şamil Muradov "Sabahın xeyir, Azərbaycan" proqramında deyib. O bildirib ki, ekran işindən sonra həyatı dəyişib:

"Aygün xanımla bir-birimizə sevgi dolu gözlərlə baxdığımız səhnəni çəkə bilmirdik. Daim gülürdük. Bu səhnə 50 dubla çəkildi. Aygün xanım dönüb gülürdü, rejissor isə deyirdi "yox". 

Həmin klipdən sonra anladım ki, Aygün Kazımova necə ulduzdur. Çünki küçədə uzun müddət gəzə bilmirdim. Hətta Moskva, Dubay və Nyu-Yorkda da hara gedirdim, deyirdilər "klipdəki oğlandır?".