Bu gün hər kəs mövzunun əhəmiyyətini dərk edərək enerji keçidindən danışır.

“İki sahil” xəbər verir ki, bunu Azərbaycan Dövlət Neft Şirkətinin (SOCAR) törəmə “SOCAR Green” şirkətinin direktoru Elmir Musayev Bakı Enerji Forumunun II günündə çıxışı zamanı bildirib.

Onun sözlərinə görə, ancaq bu enerji sektorunda ilk keçid deyil: “Cəmiyyət biokütlədən kömürə, kömürdən neftə, neftdən təbii qaza keçidlər edib. İndi də dünya təbii qazdan təmiz enerjiyə, “yaşıl enerji”yə keçid edir”.

O qeyd edib ki, dünyamıza fayda vermək baxmından çox önəmli və çətin bir dövrdə yaşayırıq: “Təbii ki, bu keçid hər kəs üçün çətin olacaq. Ancaq hər birimiz bu keçiddə üzərimizə düşəni dərk edirik və məsuliyyətimizi anlayırıq”.

E. Musayev SOCAR-ın Birləşmiş Ərəb Əmirliklərinin “Masdar” şirkəti ilə birgə həyata keçirdiyi ümumi qouyuluş gücü 1 QVt olan layihəni xatırladaq deyib ki,

“SOCAR Green” üçün ilk iş olduğu üçün bu layihə bir qədər çətin olub: Ola bilsin, “Masdar”, BP şirkətləri üçün belə layihələri icra etmək çətin deyil. Ancaq “SOCAR Green” “Masdar”, BP və digər şirkətlərin təcrübəsini öyrənir. Əməkdaşlarımızı öyrədirik”.

O xatırladıb ki, bu il keçirilən Bakı Enerji Həftəsi çərçivəsində SOCAR “Masdar” şirkəti ilə daha 3 bərpaolunan enerji layihəsi ilə bağlım sazişlər imzalayıb: “Növbədə daha 3 layihəmiz olacaq. Gördüyümüz işin mahiyyətini anlayırıq və cəmiyyətə faydanı verməkdə maraqlıyıq”.

Bu sazişlər Azərbaycanda bir külək və iki günəş elektrik stansiyaların inşasını əhatə edir. Bunlardan birincisi Biləsuvada 445 MVt günəş elektrik enerjisi layihəsi, ikincisi Nefçalada 315 MVt gücündə digər günəş enejisi layihəsidir, üçüncüsü isə 240 MVt gücündə olan Abşeron-Qaradağ külək elektrik enerjisi layihəsidir. Layihələrin icrası nəticəsində illik təxmini 2,3 milyard kVt/saat elektrik enerjisinə qənaət olunacaq ki, bunun da nəticəsində təxminən illik 1 milyon ton karbon emissiyasının atılmasının qarşısı alınacaq.