21 iyun 2024 17:00
275

Türkiyə XİN Ermənistanın Fələstini dövlət kimi tanımasını müsbət qarşılayıb

Türkiyə Xarici İşlər Nazirliyi Ermənistanın Fələstini dövlət kimi tanıması qərarını müsbət qarşılayıb.

“İki sahil” xəbər verir ki, bu barədə Türkiyə XİN bəyanat yayıb.

“İspaniya, İrlandiya, Norveç və Sloveniyadan sonra Ermənistanın Fələstin dövlətini tanımaq qərarı bizi sevindirir.

Əvvəllər də həmişə vurğuladığımız kimi, Fələstinin tanınması beynəlxalq hüququn, ədalətin və vicdanın tələbidir. Türkiyə olaraq daha çox ölkənin Fələstini tanıması üçün səylərimizi davam etdirəcəyik”, - Türkiyə XİN-in bəyanatında bildirilib.

Xatırladaq ki, bu gün Ermənistan XİN Fələstinin dövlət kimi tanınması barədə bəyanat yayıb.