İki alpinist 22 il əvvəl Perunun And dağlarında qar uçqunu nəticəsində yoxa çıxan amerikalı şəxsin cəsədini tapıb.

“İki sahil” CNN-ə istinadla xəbər verir ki, Rayan Kuper və Uesli Uorren qardaşları Bill Stumpflın cəsədini iyunun 27-də Huskaran dağında tapıblar.

Alpinistlər kişinin cəsədini Peruda, təxminən 5030 metr hündürlükdə olan Kordilyera Blanka dağının 6768 metrlik zirvəsinə gedən yolda tapıblar.

Kuper CNN-ə bildirib ki, mənzərəyə uyğun gəlməyən bir obyekt görüb və araşdırmaq qərarına gəlib. O, Stumplın cəsədinin və əşyalarının, o cümlədən toy üzüyü, dəbilqə, dırmanma çəkmələri və gödəkçəsinin buzda yaxşı qorunduğunu bildirib.

Qardaşlar amerikalı alpinistin şəxsiyyətini onun bədəninə yapışdırılmış içərisində zərər görməmiş şəxsiyyət vəsiqəsi, fotoaparat, pasport, pul kisəsi və eynək olan çanta ilə müəyyən edə biliblər.

"Kimsə onu sevirdi və evə qayıtmasını istəyirdi. Mən onun amerikalı alpinist olduğunu biləndə onun ailəsini tapıb onlara xəbər verməli olduğumuzu anladım", kuper deyib.

Məhərrəm Ağalaroğlu, “İki sahil”