BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyası (COP29) müxtəlif tərəfləri birləşdirəcək.
“İki sahil” xəbər verir ki, bunu jurnalistlərə açıqlamasında BMT-nin Ərzaq və Kənd Təsərrüfatı Təşkilatının (FAO) İtaliya ofisinin nümayəndəsi Martial Bernoux bildirib.
Onun sözlərinə görə, Bakının COP29-la bağlı təşəbbüsləri çox vacibdir.
"Ümumiyyətlə, dünyada iqlimlə bağlı bir sıra təşəbbüslər var. COP29 çərçivəsində bu cür təşəbbüslərin bir araya gəlməsi, bunların bir-biri ilə əlaqələndirilməsi çox önəmlidir. Bu, boşluqları müəyyən etməyə imkan verəcək. Fermerlər iqlim dəyişikliyi, quraqlıq və ekstremal hava şəraitinin qurbanı olurlar. Fermerləri də bu işlərin mərkəzinə daxil etmək istəyirik", - deyə qonaq qeyd edib.
