Livanın “Hizbullah” hərəkatı İsrail silahlı qüvvələrinin atdığı addımlar nəticəsində arsenalının təxminən yarısını itirib.

“İki sahil” xəbər verir ki, bu barədə “Al Arabiya” telekanalı Avropa İttifaqındakı mənbəyinə istinadla məlumat yayıb.

Məlumata görə, İsrail tərəfi Livanın cənubuna hərbi müdaxilənin miqyasını bilərəkdən gizlədir.

Qeyd edək ki, “Hizbullah” baş katibinin müavini Naim Qasım sentyabrın 30-da etdiyi çıxışında hərəkatın İsrail qüvvələrinin Livan ərazisinə qurudan müdaxiləsi halında onları dəf etməyə hazır olduqlarını və düşmənin məqsədlərinə çatmasına imkan verməyəcəklərini söyləyib. O vurğulayıb ki, İsrail ordusu bütün səylərə baxmayaraq, “Hizbullah”ın hərbi potensialını məhv edə bilməyib və edə bilməyəcək.