Bu gün Azərbaycan milli komandası UEFA Millətlər Liqasında növbəti oyununa çıxacaq. 

“İki sahil” xəbər verir ki, yığmamız Qəbələdə Estoniya millisi ilə üz-üzə gələcək. Bu, Azərbaycan millisinin adıçəkilən rayonda keçirəcəyi ilk rəsmi matç kimi tarixə düşəcək. 

Ən zəiflərin yer aldığı D liqasına yuvarlanmamaq üçün bu gün millimiz mütləq Estoniyaya qalib gəlməlidir. Üstəlik, turnir cədvəlində rəqibi geridə qoymaq üçün Fernandu Santuşun komandası minimum 2 top fərqi ilə üstün olmalıdır. 

Hazırda 4 turdan sonra millimiz qrupda xalsızdır və sonuncu yeri tutur. Tallində yığma komandamız üzərində 3:1 hesablı qələbə qazanan estonlar isə 3 xalla üçüncüdürlər. 

Qeyd edək ki, millimiz qrupdakı son görüşündə səfərdə İsveçin qonağı olacaq. 

UEFA Millətlər Liqası

C liqası, V tur

16 noyabr

18:00. Azərbaycan - Estoniya 

Baş hakim: Con Beaton (Şotlandiya)

Qəbələ şəhər stadionu